Salute a totus! In custu tretu de su situ de sa comuna impreamus sa Limba nostra po bos dare a ischire novas de s'ufìtziu ''Valle del Cedrino''.
Ocannu sas comunas chi pican parte a custu disinnu de valorizatzione de sa cultura nostra son chimbe: Irgoli (capofila), Oniai, Lòcula, Garteddi e Orosei.
Est unu travallu finantziatu dae sa Regione e peri po custu sas règulas chi semus impreande son cussas cussizatas dae sa Regione e totu. Po las vìere o po bos che las isgarrigare, vazi a sa setzione ''papiros amministrativos''.

Sende sa limba una currente viva, ligata peri a s'evolutzione tennolòzica e culturale, no semper s'acatat sa paràula zusta po cada cosa o non venit a su mamentu.
Si bos paret chi carchi paràula chi amus postu est tropu acurtzu a s'italianu e chi bi nd'at una menzus po esprìmere su matessi cuntzetu, in cale si siat variante de su sardu, bos dimandamus po piaghere de nos lu dare a ischire.

Sa Limba est de totus e est dòvere de cada tzitadinu a l'amparare e a l'irrichire.

Grasses a totus po s'azutu,

ufìtziu Limba Sarda ''Valle del Cedrino'', mail: uls_valledelcedrino@tiscali.it